TUDDAL: Brannvesenet hindra brannen i å spreie seg til andre bygningar. (Illustrasjonsfoto)
Einebustad totalskadd i brann
Ei kvinne redda seg ut saman med kjæledyra då det tok fyr i eit hus i Tuddal.
Anbefalt på Facebook
Annonse
Politiet fekk melding om brannen klokka 01.18, og skriv i loggen at einebustaden blei totalskadd.
Vidare at det var ei kvinne til stades då brannen starta, og at ho ved eiga hjelp fekk redda ut alle kjæledyra ho hadde i huset.
Kjæledyra skal ha blitt tatt hand om av naboar, medan kvinna sjølv blei køyrd til sjukehus for ein sjekk.
Politiet opplyser at brannvesenet fekk avgrensa vidare spreiing av brannen til nabobygningar og driftsbygningar.
